مقالات

الارتياح للكاتبة/إسراء عمرو

كتبت: إسراء عمرو

الارتياح فعل تلقائي ملهوش تفسير أو تحليل منطقي، فعل بنقف قدّامه وننسى الطريق اللي كنا متحركين من البداية علشانه، الارتياح هو الدافع اللي به مبتكونش بتفكر في ارتباط دلوقت فتشوف حد وتقرر ترتبط علشانه، هو إنك متحاولش تعرف حاجه عن حد قاعد جنبك علشان تحكيله غير أنك بس ارتحتله، هو القعدة اللي بدأتها بـ “أنا ارتحتلك” وانتهت بـ “أنت ابن حلال”، الارتياح حتى مع الناس الكتير القريبة في حياتك اللي بيكون في من بينهم شخص تحديدًا بترتاح أكتر بوجودك وكلامك معاه، الارتياح فعل غير مُسبب، فعل بنبدأ تعبيرنا عنه بـ مش عارف؛ “مش عارف ليه ارتحتلك”، “مش عارف بس وشك في حاجه مريحة”، القبول اللي بيحصلنا مع الناس اللي بنرتاحلهم بيقين وثقة في القلوب بيختصر سنين ترتيب في الكلام والوصف والتفكير، بيختصر كل دا في إننا بس شوفناهم فـ “ارتحنا”.

مقالات ذات صلة

‫3 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

إيقاف تشغيل AdBlocks

برجاء دعمنا عن طريق تعطيل إضافة Adblock