الشعر

هلوسه التفكير للشاعرة مي ال هاشم

وفضلت أفكر في اللي راح
لقيته كله الألم وجراح
وقولت مين بقايلي
أو مين حبيبي

فكرت كتير وقليل
وبقيت لتفكير أميل

حبيت نفسي
وعشقت سريري
وبقى تفكيري
هو مصدر تعبيري

أقول لنفسي هم دول اللي أذوك
وأرجع أكلم نفسي وقول يمكن كانوا بيكرهوك
هم دول اللي عاشروك
أهو دلوقتي بيدفعوك
ويمكن على قبرك يودوك

عشت سنين كتير
وعلى بالي أني بطير

ولما وقعت حسيت بسخونة الطين
بعد مكنت بشم الياسمين
وكأني واحد من العاشقين

يارتني كنت عارف أختار
أو حتي في يدي القرار
وعلي بالي كل يوم الأنتحار

و أرجع افكر في العذاب
وعلي قلبي اللي داب
و أوضتي االي بقت أنتداب

مين يحس ومين يعافر
قلبي بقا عامل زي الكافر
وكل يوم لوحدي بعافر

و أرجع أقف وقول
أوع تميل

واقف أكمل عادي وعايش بين أحزاني
وبقول هتعدي الايام زي الباقي
و أرجع افكر تاني واعقد بين أحزاني
وأفضل أعاني والقى كله سبني وبقيت عايش وحداني

يا ترا العيب فيا ولا في اللي حوليا
بقى حزني متفصل عليا
أرجع أفرح وفي للحظه أعيط على اللي فيا
بقيت أتعرف من عنيا
مبقتش عاوز حد حوليا
ولا حد يحس باللي فيا
هموت بس محدش يزعل في يوم عليا

مقالات ذات صلة

‫29 تعليقات

  1. كاتبة متنوعة بجد مشالله بكتبي حاجات في قمة الرواعه اين كان روايات، قصايد، قصص قصيره وكمان الخواطر بجد انتي موهوبة ربنا يحمكي يا رب بجد تستحقي الفوز

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

إيقاف تشغيل AdBlocks

برجاء دعمنا عن طريق تعطيل إضافة Adblock